3 лістапада - Коласаўскі дзень
- 03 ноября 2022 -
3 лістапада 2022 года ў нашай краіне адзначаецца значная дата ў культурнай прасторы краіны – 140 гадоў з дня нараджэння беларускага класіка, Народнага пісьменніка БССР Якуба Коласа.
Ён быў выбітным літаратарам, а жыццё яго было багатым на розныя прыгоды. Нягледзячы на разнастайныя жыццёвы перапетыі Канстанцін Міцкевіч (сапраўднае імя Якуба коласа) заставаўся сапраўдным патрыётам.
Менавіта ў гэты значны дзень навучэнцы каледжа сталі ўдзельнікамі святочнага мерапрыемства, прысвечанага 140-годдзю з дня нараджэння Якуба Коласа, у Цэнтральнай бібліятэцы імя Янкі Купалы.
Падчас сустрэчы прысутныя віртуальна пападарожнічалі па мемарыяльных сядзібах Якуба Коласа, прагледзілі прэм’ерны анімацыйны фільм “Класікі і шахматы”, паўдзельнічалі ў інтэрактыўных пляцоўках і гульнях. Асаблівыя эмоцыі засталіся ў навучэнцаў і пасля майстар-класа па вырабе паштовак.
Дзякуем арганізатарам імпрэзы!